Bréf í málaflokknum heilsa.
Fótaaðgerð
Hvaða þjónusta á rétt á að fá endurgreiðslum frá Tryggingjastofnun.
Eiga gigtar, lömunar og hreyfihamlaðir sjúklingar rétt á að fá stuðning frá Tryggingastofnun fyrir fótaaðgerð.
Hér á landi sem og víða annarstaðar flokkast fótaaðgerð undir heilbrigðisþjónustu.
Vil ég leggja fyrirspurn til félagasamtaka þessara hópa og annarra félagshópa sem eru í svipaðri aðstöðu.
Hvernig stendur á því að þessi þjónusta er ekki niðurgreidd líkt og sjúkraþjálfun að undangenginni skoðun og eftir mati lækna?
Hafa þessi félagasatök ekki reynt að leita eftir því?
Eða hefur þeim verið hafnað af Tryggingastofnunni?
Margir einstaklingar sem eru fatlaðir og þjást af gigtarsjúkdómum, sykursýki, sphoriasis og fl. þurfa nauðsynlega á þessari þjónustu að halda og geta ekki á hennar verið.
Vekur það undrun mína að stuðningur gegnum Tryggingastofnun sé ekki fyrir löngu komin á eins og gerist í nágranalöndum okkar samkvæmt mati læknis hverju sinni.
Það eru ýmsir húðsjúkdómar sem mynda ákveðin húðútbrot á fótum, td. PPP. þar sem fótaaðgerð er besti kosturinn, ásamt hjálp með sýrukremi sem er ávísað á fólk.
Liðagigtasjúkdómar þar sem álagssvæði fótsins fer úr skorðum og leiðir oft til sársaukafullra siggmyndunar sem þarf að fjarlægja reglulega.
Stuðningsmeðferðir með siliconi á tær fyrir ma. fólk sem lamast af ýmsum orsökum.
Það er meðferð sem mikilvægt er að framkvæma strax þegar varanleg lömun hefur átt sér stað, áður en sinarnar byrja að styttast og tærnar byrja að kreppast.
Aðgerðir sem hafa verið gerðar á tábeinum mistakast því miður mjög oft og fólk verður að leita til okkar eftir þær aðgerðir þar sem ma. líkþornamyndun hefur aukist og þörf er fyrir silicon stuðning.
Margir sjúkraþjálfarar eru meðvitaðir um hvað silicon getur hjálpað og senda fólk til okkar í meðferð.
Niðurgrónar neglur er mikið vandamál sem hægt er að laga með spangarmeðferð samanber réttingu á tönnum og óþaft að gera dýrar læknisaðgerðir á nöglunum.
Þar væri hægt að spara drjúan skilding í ríkiskassanum.
Svona mætti lengi telja.
Eygló Þorgeirsdóttir
Fótaaðgerðafræðingur og Sjúkranuddari.
